Светската здравствена организација (СЗО) соопшти дека сите лица кои биле во контакт со инфицирани со Ковид-19 треба да бидат тестирани, без разлика дали покажале симптоми или не.
Ова е препораката на експертите на СЗО, прашани на прес-конференција за состојбата во САД, каде епидемиолозите оценија дека тестовите не се потребни за оние кои немаат симптоми на болеста.
„Знаеме дека луѓето кои имаат симптоми го пренесуваат вирусот и исто така знаеме дека луѓето кои немаат симптоми можат да го пренесат вирусот“, рече таа.
Таа ја истакна важноста на тестовите, кои треба да се користат за пронаоѓање активни случаи и нивно изолирање, како и за пребарување на нивните контакти.
Промената во упатствата беше дискретно направена и објавена на веб-страницата на Центарот за превенција и контрола на болести (ЦДЦ), а медиумите предупредуваа на влијанието на Белата куќа врз таа одлука.
Претседателот Доналд Трамп постојано оценуваше дека неговата земја треба да тестира помалку и дека тестовите даваат лоша слика за управувањето со пандемијата на коронавирус во САД.
