Тајван извести дека продолжува кинеското воено присуство околу островот

Тајванското Министерство за одбрана во четвртокот објави дека кинески воени авиони и бродови сè уште оперираат околу островот, неколку дена откако Пекинг објави дека воените вежби официјално завршиле.

Тајванското министерство објави дека идентификувало 26 авиони и седум пловни објекти во последните 24 часа. Од нив, 14 авиони ја минале средишната линија на Тајванскиот теснец и навлегле во ткн тајванската воздушна одбранбена зона за идентификација (ADIZ). Министерството во средата објави дека претходниот ден биле откриени 35 авиони и осум пловила.

Германската агенција dpa пишува дека Кина на тој начин ја демонстрира својата воена моќ со цел да го заплаши Тајван и да го одврати да се стреми кон независност.

Кина минатата седмица одржа тридневни воени вежби како одговор на посетата на тајванската претседателка Цаи Инг-вен на Калифорнија, каде што се состана со претседателот на Претставничкиот дом на американскиот Конгрес, Кевин Меккарти. Тоа за Пекинг е јасна провокација од страна на Тајпеј и Вашингтон бидејќи го нарушува децениското однесување на САД во договерениот со Кина статус-кво однос кон тајванското прашање со озбегнување на средби на највисоките американски функционери со политички и воени претставници на островот кој Пекинг го смета за своја одметната покраина, а што беше почитувано од американската страна до минатото лето кога претходничката на Меккарти, Ненси Пелоси, пркосно слета на Тајван.

Доколку преземете содржина од оваа страница, во целост сте се согласиле со нејзините Услови за користење.