Тевдовски: Праведното оданочување е успешна реформа

Реформата за праведното оданочување е успешна. Економските резултати се исклучително добри од почетокот на годината и најважно е што се користат за социјалната реформа, односно обезбедување фер општество и праведен раст за сите, оцени министерот за финансии Драган Тевдовски денеска на прес-конференција презентирајќи ги ефектите и резултатите од реформата што стартуваше на почетокот на оваа година.
Тој додаде дека економијата е во одлична кондиција и наведе седум факти за економските резулати по спроведување на оваа реформа, што се однесуваат на зголемена вработеност, зголемена вработеност кај младите, раст на платите, раст на платите и вработеноста на ИТ секторот, раст на даночните приходи од личен доход, позитивни резултати кај бизнисите и раст на економијата.
„Бројот на вработени е зголемен за 17 000 лица во првите три месеци од годинава, односно по воведување на праведниот данок. Невработеноста во првите три месеци од 2019 година е сведена на најниско ниво од споведување на анкетата на работна сила или 17,8 отсто што е за 1,6 отсто пониско ниво во однос на последното тримесејче од 2018 година. Иако, пред воведувањето на праведниот данок во јавноста беше изразена загриженост дека праведното оданочување ќе ја намали вработеноста, се случи сосема спротивното, односно само за едно тримесечје бројот на вработени е зголемен за 17 000 лица“, рече министерот.

Додаде дека во континуитет имаме зголемување на просечната плата и потенцира дека по воведување на прогресивното оданочување нема намалување, туку има зголемување на просечната плата на програмерите за 5,5 отсто во споредба со првото тримесечја од 2018 година.

Како солидни ги оцени и остварувања во ралниот сектор од почетокот на одинава.  Индустриското произвоство во периодот јануари-април 2019 година е повисоко за 7,9 отсто во спордба со истиот период минатата година. извозот на стоки и услуги во периодот јануари-април 2019 година е повисок за 15 отсто во споредба со истиот период минатата година., рече министерот додавајќи дека ова е спротивно на некои мислења дека прогресивното оданочување ќе му наштети бизнисот.
И растот на економијата од 4,1 отсто, според министерот, покажува дека праведното оданочување не го блокира економскиот раст.
„Од неделата започна исплатата на зголемената социјална помош согласно правата предвидени со новата социјална реформа. Над 25.000 домаќинства добија гарантиран минимален приход, што за поголемиот дел од нив значи надоместок зголемен за 100 отсто“, истакна Тевдовски.
Одговорајќи на новинарско прашање во врска со предизборното ветување за 500 евра просечна плата, рече дека тој е поборник платите да растат бидејќи најголемиот дел од граѓаните живеат од својот труд.

Доколку преземете содржина од оваа страница, во целост сте се согласиле со нејзините Услови за користење.