ТФТ со две победи се враќа од Бугарија во БИБЛ лигата

Македонскиот претставник во БИБЛ лигата ТФТ Скопје со две победи се враќа од пресметките со бугарските екипи во регионалната кошаркарска лига, откако вечерва триумфираше над Берое со 96-86 (47-38), ден по победата над Академик Пловдив.

По резултатски изедначената прва четвртина, ТФТ го подигна нивото на игра и на полувремето обезбеди плус девет поени разлика. Македонскиот тим ја реши во своја корист и третта четвртина со 28-20 и во завршните десет минути влезе со недостижни плус 17 поени разлика.

За ТФТ Скопје ова беше трета победа во петтиот натпревар во групата Б, со што се искачи на второто место на табелата пред следниот дуел против црногорски Ибар на гостински терен на 1 декември.

Доколку преземете содржина од оваа страница, во целост сте се согласиле со нејзините Услови за користење.