„The Hunger Games“ следната година на театарските штици во Лондон

Популарната трилогија „The Hunger Games“ (Игрите на гладта) ќе бидат поставени во Лондон следната година и ќе бидат првата сценска адаптација на успешниот роман на Сјузан Колинс и многу успешната филмска верзија на книгата.

Ирскиот драматург, сценарист и режисер Конор Мекферсон ја адаптираше за театарот првата книга од дистописката трилогија на Колинс за млади луѓе, како и заплетот на првиот истоимен филм од филмската франшиза на „Lionsgate“, во кој игра оскаровката Џенифер Лоренс, хероината Кетнис Евердин.

Претставата ќе ја режира Метју Данстер, драматург, режисер и поранешен соработник на режисерот на театаот „Shakespeare’s Globe“.

„Инспиративно е да се има благословот на Сјузан Колинс да ја адаптира ‘Игри на гладта“ и да го донесе на театарската сцена. Таа создаде класична приказна која денес е поактуелна од кога и да е досега“, вели Мекферсон.

„Во свет каде што се чини дека е лесно да се дојде до вистината, ‘Игрите на гладта’ прекрасно укажува на одредени вредности – приспособливост, самодоверба и независно морално преиспитување, особено кога станува збор за младите. Ова е турбоприказна и јас сум исклучително возбуден што ќе ја претставам на новата генерација на театарџии, како и на долгогодишните и посветени обожаватели на Сјузан Колинс“, додава Мекферсон.

И Колинс вели дека е „многу возбудена“ што ќе работи со Мекферсон и Данстер „бидејќи ја носат нивната динамична и иновативна визија за „Игри на гладта“ на лондонската театарска сцена“.

Филмовите „The Hunger Games“ на „Lionsgate“, кои ја донесоа приказната на Колинс за понижените жители на Панем на големото платно, принудени до смрт да се натпреваруваат на годишен гладијаторски ТВ-натпревар додека богатите гледаат, заработија повеќе од 2 милијарди долари на кино благајните во светот.

Сместен 64 години пред првиот филм, приквелот на глобалната франшиза од 3 милијарди долари, „The Hunger Games: The Ballad of Songbirds and Snakes“, со Рејчел Зеглер, Том Блит и Виола Дејвис во главните улоги, а во кината ширум светот треба да се појави на 17-ти ноември.

Авторката на книжевниот серијал Сјузан Колинс, е извршен продуцент заедно со Тим Пален и Џим Милер.Игрите на гладните ќе бидат поставени во Лондон следната година и ќе бидат првата сценска адаптација на успешниот роман на Колинс и многу успешната филмска верзија на книгата.

Доколку преземете содржина од оваа страница, во целост сте се согласиле со нејзините Услови за користење.