Тимошенко ќе се кандидира за претседател – вети враќање на Крим

Поранешниот украински премиер, Јулија Тимошенко денеска најави дека ќе се кандидира за претседател, пренесе АП.

Анкетите покажуваат дека Тимошенко, која беше премиер од 2007 до 2010 година, е фаворит на изборите за шеф на државата, закажани за 31 март. Таа помина две и пол години во затвор, поради потпишувањето на договорот за гас со Русија, на што се гледаше како на политичка одмазда кон нејзиниот противник – тогашниот претседател Виктор Јанукович. Тимошенко загуби од Јанукович на претседателските избори во 2010 година, но и од актуелниот претседател Петро Порошенко во 2014 година. Порошенко сѐ уште не изјавил дали ќе бара реизбор.

Тимошенко ја објави кандидатурата на конгрес на својата партија „Баткившчина” („Татковина”) во Киев и вети дека ќе ја врати контролата врз Кримскиот полуостров, анектиран од Русија, како и сепаратистичките области во источна Украина.

Доколку преземете содржина од оваа страница, во целост сте се согласиле со нејзините Услови за користење.