Тито за Софија Лорен месел тесто и печел штрудли

56

Актерката 15 дена била гостин во Бриони
„За време на неговото владеење, Јосип Броз Тито бил домаќин на многу светски sвезди како Елизабет Тејлор, Софија Лорен и Ричард Бартон. Сите тие се восхитуваа еден со друг, а и на Јованка Броз оставија добар впечаток“, раскажува Нада Будисављевиќ, сестра на Јованка Броз.
Во книгата на Жарко Јокановиќ, „Мојата сестра Јованка Броз“, таа открива интересни факти од животот на Јосип Броз Тито и првата дама на СФРЈ.
Посетата на познатата актерка Софија Лорен привлекла посебно внимание на тогашните медиуми. Таа 15. дена била гостинка на Бриони. Нада вели дека по тој повод италијанската дива го донела и својот син, кој во тоа време имал само година и пол. Дошла со швајцарска дадилка и била во вилата „Јадранка“, каде што прво биле Тито и Јованка.
Секој ден доаѓала на плажа да се искапе. Тито и Јованка цело време биле таму за време на нејзината посета.
„Секој ден му се јавуваше на Карло Понти. Косата ја миеше со дестилирана вода и ставаше маслиново масло на неа. И таа нејзина коса беше величествена. А кога би ја сликале, таа секогаш го вртеше профилот кој бил поубав. Ова се малите тајни на големите мајстори“, рекла Нада Будисављевиќ.

Софија Лорен и Јосип Броз Тито

Како што вели Нада, и многу други кои ја познавале познатата актерка, Софија Лорен обожавала да готви.
„Подоцна ја објави книгата ‘Софија во кујната, со љубов’. Така нешто. Таа подготвувала и сосови за шпагети. Бидејќи се правела голема количина на овие сосови, се сеќавам дека во тоа ставаше телешко месо, свинско месо и пршута, но кога слушнав дека одат и осум килограми свежи домати, се изненадив. И тоа беше навистина прекрасно. Вистински специјалитет. И тогаш сите го јадевме, сите заедно, беше божествено“, се сеќава сестрата на Јованка.
Нада вели дека Тито за Софија правел загорски штрукли, како и штрудла со јаболки.
„Тој уживаше да го прави тоа, таму имаше готвач, но Тито сам ги правеше. Правеше штрукли, штрудла со јаболка. Тој лично го разви тестото на таа маса, го завитка. Уживаше. Не знам дали тој точно знаеше колку од што се става или дали готвачот му помогна во тоа, но тој самиот го замеси и го испече сето тоа“, открила Нада.

Доколку преземете содржина од оваа страница, во целост сте се согласиле со нејзините Услови за користење.