Спорт

англиски фа куп Тотенхем на поправен против последниот во третата лига

Тотенхем на поправен против последниот во третата лига

Во натпреварот од осминафиналето од англискиот ФА куп фудбалерите на последнопласираниот тим во третата лига Рочдејл и англискиот великан Тотенхме одиграа 2:2, па лондонците ќе мора да играат нов меч на својот терен.

Малиот третолигаш поведе со голот на Хендерсон во 45 минута. Лукаш Мора изедначи во 59 минута, а кога Хари Кејн кој влезе во второто полувреме во 85 минута погоди за 1:2 се чинеше дека Тотенхем сепак ќе дојде до очекуваната победа. Сепак, Рочдејл, кој воопшто не играше подредена улога, во третата минута од судиското продолжение преку Дејвис израмни и се избори за уште еден дуел со големиот противник.

Тотенхем и во минатото коло мораше да одигра два натпревара, и тоа против четвртолигашот Њупорт.

Претходно во саботата пласман во четвртфиналето изборија Манчестер Јунајтед, Брајтон и Саутемптон, а во понеделник за пласман ќе се борат Виган Атлетик и Манчестер Сити.