Трамп му посака закрепнување на Ким, доколку е болен

534

Американскиот претседател Доналд Трамп изјави во вторникот дека никој досега не ги потврдил имформациите дека Ким Џонг-ун се наоѓа во „животна опасност“ по кардиоваскуларна операција, како што известија некои медиуми, како и дека администрацијата на САД не располага со информациите за наводно влошената состојба на севернокорејскиот лидер.

Американската телевизија CNN, повикувајќи се на разузнавачки извор, јави дека Ким Џонг-ун е во „голема животна опасноста по операција“. Како што наведе телевизијата, Ким на 15-ти април првпат по многу години не го посетил Кимсусанскиот дворец на Сонцето на церемонијата во знак на роденденот на неговиот дедо Ким Ил-сун, што создало сомневања. Јужнокорејскиот интернетски дневен весник Daily NK, специјализиран за вести од Северна Кореја, објави во вторникот дека Ким е на лекување по кардиоваскуларен зафат на 12-ти април.

Меѓутоа подоцна официјални извори од Јужна Кореја и Кина соопштија дека не постојат никакви информации и активности во Пјонгјанг кои би посочиле или потврдиле дека северрнокорејскиот лидер е во тешка здравствена состојба и оти неговиот живот е загрозен.

„Не знаеме. Имаме многу добар однос со него. Можам само да кажам дека му посакувам сѐ најдобро. Ако е во таква состојба, каква што се наведува во извештаите, во вестите, тогаш тоа е многи сериозно состојба. Му посакувам сѐ најдобро“, рече Трамп на барањето на новинарите да ги коментира информациите за наводно влошеното здравје на Ким Џонг-ун.

„Само треба да се каже дека на Ким Џонг-ун му посакувам среќа. Имаше многу, многу сериозни медицински извештаи. Никој не го потврди тоа. Имаше на CNN. Кога извествува CNN, јас навистнина многу не верувам во тоа“, рече Трамп.

Доколку преземете содржина од оваа страница, во целост сте се согласиле со нејзините Услови за користење.