Поранешниот републикански претседател Доналд Трамп денеска наполни 78 години, што американските гласачи ќе ги потсети дека кандидатите на двете главни партии кои годинава ќе се обидат да победат на ноемвриските претседателски избори се најстарите кандидати за оваа должност во историјата на Соединетите држави.
Возраста и менталната кондиција се во центарот на кампањите меѓу републиканецот Трамп и неговиот демократски ривал, актуелниот претседател Џо Бајден, често добивајќи поголемо внимание отколку суштинските политички прашања во пресрет на изборите на 5-ти ноември.
Истражувањата на јавното мнение покажуваат дека Американците повеќе се загрижени за поодминатата возраст на Бајден, кој има 81 години, особени поради честите негови гафови, како спрепнување по скалила, губење ориентација во просторот, мешање на датуми и личности поврзани со одредени настани и обраќање на одамна покојни луѓе. Но со 78 години, Трамп е само три години помлад и би бил најстариот инаугуриран американски претседател, доколку го освои вториот мандат.
Трамп подоцна во петокот по американски време, би требало да има обраќање на роденденската забава што во негова чест во Вест Палм Бич на Флорида ја организира групата тврдокорни негови приврзаници познати како Club 47 USA..
За време на предизборната кампања, Трамп експлицитно не ја доведуваше во прашање возраста на Бајден, туку го користеше секој гаф и инцидентна својот ривал, некоординацијата во одот на демократот, за да ги прогласи за деловно неподобен за Белата куќа.
„Не станува збор за години, туку за менталната компетентност“, изјави портпаролката на кампањата на Трамп, Керолајн Ливит, посочувајќи дека гласачите можат да го видат контрастот меѓу Бајден и Трамп за кој рече дека е „остар како жител со елитна издржливост“.
Бајден одговори на прашањата за неговата возраст велејќи им на гласачите да се фокусираат на неговите достигнувања на функцијата како доказ за остроумност и сила. Тој, исто така, го опиша Трамп како закана за демократијата по неговите напори да ги поништи изборите во 2020 година и ги критикуваше неговите понекогаш нејасни говори, како и запаливата антиимигрантска реторика.
„Среќен 78-ми роденден, Доналд. Од еден до друг старец: годините се само бројка“, објави Бајден на X заедно со кратко видео кое покажува како неговите постапки и политики се разликуваат од оние на Трамп. Додаде дека овие избори, сепак, се „избор“.
Трамп и Бајден се речиси изедначени во националните анкети, меѓутоа Трамп води во неколку ткн „колебливи“ држави со многу електорски гласови кои би можеле да одлучат за ноемвриските избори. Првата телевизиска дебата на 27 јуни ќе биде важен тест и за Бајден и за Трамп.
