Американскиот претседател, Доналд Трамп напиша порака на Твитер до градоначалничката Дуркан и гувернерот на Вашингтон Џеј Инсли: „Вратете ја контролата над вашиот град СЕГА. Ако не го направите тоа, тогаш јас ќе го направам“.
„Ова не е игра. Овие грди анархисти мора да се спречат ВЕДНАШ. Брзо преземете нешто“, напиша тој во средата, заканувајќи се дека ќе ја испрати федералната војска да ги растера протестите.
Radical Left Governor @JayInslee and the Mayor of Seattle are being taunted and played at a level that our great Country has never seen before. Take back your city NOW. If you don’t do it, I will. This is not a game. These ugly Anarchists must be stopped IMMEDIATELY. MOVE FAST!
— Donald J. Trump (@realDonaldTrump) June 11, 2020
Двајцата демократи, Инсли и Дуркан, му одговорија тогаш на претседателот на Твитер среде здравствената и економска криза проследена со граѓански немири на национално ниво поради расната неправда.
„За сите да бидеме безбедни, врати се во својот бункер“, напиша тогаш Дуркан, осврнувајќи се на засолнувањето на Трамп во бункерот на Белата куќа на речиси еден час за време на интензивните протести минатиот месец.
„Човек кој е целосно неспособен да управува не треба да се меша во работите на државата Вашингтон. Престани да твитуваш“, напиша Инсли.
Дуркан рече дека повеќето протести се мирни и не е потребна никаква интервенција.
„Една од работите што претседателот никогаш нема да ја разбере е дека слушањето на заедницата не е слабост. Тоа е сила“, рече Дуркан.
Зградата на полицискиот оддел во Сиетл била испразнета откако бариерите за контрола на толпата пред зградата биле отстранети. Началникот на полицијата, Кармен Бест изјави дека нивните напори за олеснување на тензиите не биле возвратени.
„Наместо да маршираат, демонстрантите, откако се пожалија за полициските барикади, воспоставија свои барикади“, рече Бест.
Таа рече дека протестите на Капитол Хит не се поопасни од други демонстрации што редовно се одржуваат во заедницата.
„Имам вести за народот: целиот мој живот градот е ‘автономен’“, рече таа и додаде: „Не е забранета зона на вооружената милитантна војска Антифа“, додаде таа.
