Третиот сет владини мерки e предизборно ветување што нема да се реализира во целост

47

Претседателот на Комисијата за економија и финансии на ВМРО-ДПМНЕ, Дарко Лазаров, оценува дека третиот сет владини економски мерки е проблематичен од повеќе аспекти и оти има многу недоречености и нејаснотии. Како што кажа тој, во своето вечерашно гостување во емисијата „Еконоски магазин“ на Алсат, најголем дел од мерките сѐ уште не се детализирани и претставуваат обид за прикривање на неуспесите на власта од периодот пред корона кризата.

„Тоа укажува дека нивната цел не е да ѝ помогнат на економијата, на македонските граѓани и на македонските компании, туку целта е вештачки да се подигнат очекувањата на граѓаните знаејќи дека сме пред период на избори…ова е само едно предизборно ветување кое во поголем дел нема да се реализира, сигурно“, вели Лазаров.

Доколку преземете содржина од оваа страница, во целост сте се согласиле со нејзините Услови за користење.