Високите температури, морската сол и ветерот ја сушат косата. Косата која е во чест контакт со хлор и солена вода станува потенка, што може да предизвика зголемено опаѓање. Затоа е важно длабоко да се грижите за вашата коса после и за време на вашиот одмор.
Кокосово масло како регенератор
Освен регенератор, кокосовото масло најдобро ја храни косата после плажа. Тоа е одлична алтернатива за љубителите на природната козметика. Кокосовото масло ја зајакнува косата, што го намалува ризикот од кршење на косата.
Избегнувајте пеглање
Морската сол и високите температури може да ја „изморат“ косата, па затоа не се препорачува да ја третирате со пегла. Топлината може дополнително да ја оштети веќе ранливата коса, што ја прави повеќе склона кон кршење. Особено се зафатени врвовите кои се потенки од останатиот дел од косата.
Маски за длабока регенерација
Длабоките оштетувања ќе се поправат со маски за коса. Маската со масло од банана и бадем ќе ја нахрани косата и ќе ја направи мазна. Доволно е да испасирате една банана и да додадете неколку капки бадемово масло, а потоа нанесете ја на косата и измасирајте ја во скалпот. Оставете да делува 20 минути, а потоа исплакнете со млака вода.
