6.8 C
Skopje
петок, март 29, 2024

Трипуновски: Да се соочиме на избори и земјоделците нека си го кажат своето размислување позади параванот

Земјоделците две ипол години го фрлаат родот на буниште, сечат неколкугодишни овошни насади, а Зоран Заев и Трајан Димковски велат дека  земјоделието бележи позитивни резултати. Очигледно е дека блескаме драги земјоделци, ама вие тоа не го гледате, рече Цветан Трипуновски од ВМРО-ДПМНЕ.

-Откупната цена на сливата лани била 20 денари, а сега е 24 денари, добро бе господа Зоран Заев и Трајан Димковски дали сте вие сериозни!? Грозјето оваа година се продавало по цена од 50 денари! Земјоделци од Тиквешијата дали го слушате ли министерот што зборува!? Очигледно вие не го знаете откупувачот на министерот па затоа вашето грозје го продавате за од 25 денари, односно упола од цената која што денеска ја соопшти министерот Димковски. Цените со кои се фалите се реалност само во вашите прес конференции, реалноста помеѓу земјоделците е сосема поинаква. Нема откуп, а каде што го има цените се катастрофално ниски. Не ги задоволуваат ниту основните трошоци за производство, а за егзистенција и да не зборуваме. Почитуван министер, дали го слушате и до вас допира плачот и лелекот на јаболкарите од Ресен, дали до вас допира гласот на оризарите од кочанско, кои што денеска гледаме дека протестираат на улиците по Кочани, дали до вас стига гласот на сточарите во Република Македонија, дали до вас стига гласот и плачот на млекопроизводителите во Република Македонија? Земјоделците немаат ни за леб. Субвенциите не се исплатени во целост. Проблемот со наводнување е факт низ цела Македонија. Земјоделието е буквално нефункционално. Нема откуп, за некаков си извоз за кој што денеска зборувате, и воопшто и не станува збор, истакна Трипуновски.

Каде го гледате растот во извозот и што извезовте? Да не случајно ги извезовте праските кои што завршуваат во каналите, јаболката кои што ги исекоа, сливите кои што завршија на патиштата, зелката која што ја фрлаат кај ќе стигнат земјоделците од струмичкиот регион? додава Трипуновски

-Ги лажете земјоделците, а и сами себе се лажете? Неспособноста на СДСМ и МЗШВ резултираа со празни сели, необработени ниви, тоа е показател дека земјоделците се разочарани од вашите погубни политики кои што ги воведувате и се иселуваат од државата. Господине Заев и Димковски, доколку мислите дека ова што го кажувате е вистина, ајде да излеземе заедно помеѓу земјоделците во Република Македонија и да ги соочиме аргументите. Ајде да се соочиме на избори и земјоделците нека си го кажат своето размислување позади параванот, потенцираше Трипуновски.

Доколку преземете содржина од оваа страница, во целост сте се согласиле со нејзините Услови за користење.