Трипуновски до Николовски: На земјоделците не им треба вашата милостиња, обезбедете откуп и високи цени!

38

Љупчо Николовски и СДСМ трошат повеќе пари за снимање на скапи спотови, отколку што дале пари за земјоделството, реагира заменик министерот во МЗШВ, Цветан Трипуновски.

Неговиот Фејсбук статус го пренесуваме во продолжение:

По стоти пат ќе кажам. На земјоделците не им треба вашата божемна милостиња, ниту скапите видеа кои си ги правите за себе промоција, туку реална помош со јасна стратегија.

Земјоделците имаат потреба од сигурен откуп и високи откупни цени, работи кои ги ветивте, а не ги исполнивте.

Земјоделците бараат да им го даде тоа што го заслужиле – почит.

Тоа не се луѓе кои сакаат да ги сожалувате, тоа се луѓе кои сакаат да работат, да го продадат произведеното и со гордо крената глава да речат дека се земјоделци.

Љупчо, исплатете ги субвенциите, обештетувањата, дополнителните мерки и многу други работи кои им ги должите на земјоделците. Не глумете душегрижништво. Времето ви проаѓа.

Доколку преземете содржина од оваа страница, во целост сте се согласиле со нејзините Услови за користење.