Тројца млади охриѓани пријавени за насилство

146

СВР Охрид поднесе кривични пријави против три млади лица кои се пријавени за насилство во охридското село Лескоец по расправија за купување алкохол во локалната продавница, во периодот кога не е дозволено продавање вакви артикли.
Поради постоење основи на сомнение за сторено казнено дело „насилство“, СВР Охрид поднесе кривична пријава против О.М. (23), Х.В. (23) и П.Д. (22), од Охрид.

Пријавените, казненото дело го сториле на 22 јуни околу 21 часот пред продавницата „Гобекс“, во охридското село Лескоец, во момент откако вработената С.С. им кажала дека не е дозволено купување алкохолни пијалоци.

Тогаш пријавените почнале непристојно да се однесуваат и со пцовки да ја навредуваат, а потоа и физички ја нападнале заедно со нејзиниот сопруг Н.С. кој бил во непосредна близина и побарал од нив да престанат со навредите.

Во нападот пријавениот О.М. употребил мала метална лопата ашов којашто ја чувал во своето возило и на Н.С. му задал повеќе удари во пределот на десната рака и главата, а потоа и на уште две други лица кои сакале да го оттргнат Н.С. од напаѓачот.

Повредените биле пренесени на хируршкото оделение во Општа болница Охрид, каде им била укажана неопходната медицинска помош.

Доколку преземете содржина од оваа страница, во целост сте се согласиле со нејзините Услови за користење.