Цената на акциите на компанијата Фершпед денеска изнесува фантастични 113. 576 денари.

Цената на акциите на компанијата Фершпед денеска изнесува фантастични  113. 576 денари. До сега, ова е повеќекратно зголемување на цената на акциите, откако, потпретседателот на Надзорниот одбор и долгогодишен втор човек на Фершпед, Кираца Трајковска јавно објави војна против „нестручното и незаконско работење на одредени членови на УО и на НО,“ цената на акциите, наместо да падне, неочекувано се искачи дури на 113.576 илјади денари.

„Нема логика во нашата берза. Во оваа работа со акционерските друштва, се е возможно. Иако има правила на берзанска игра, кај нас паќ ќе кажам, се е можно.Тоа е така, бидејќи нема вистински акционерски фирми и внатрешната акционерска структура не е завршена како што треба. Дали е оправдан овој раст на цената на акциите, ќе покаже времето,“ неодамна за Нетпрес изјави брокерот Кирил Митровски.

Според познавачите на состојбите на пазарот на македонска берза, ова е уште еден доказ дека нашиот пазар не реагира логично или пак реагира спротивно од очекуваното, по повод некоја сензитивна информација поврзана со работата на компанијата.

Доколку преземете содржина од оваа страница, во целост сте се согласиле со нејзините Услови за користење.