Турција откри нафтено поле со резерви од 150 милиони барели

Претседателот на Турција, Реџеп Таип Ердоган денеска изјави дека во провинцијата Сирнак, југоисточниот дел на земјата е откриено нафтено поле со резерви од 150 милиони барели.

– Откривме 150 милиони барели нафтени резерви околу планината Габар. Ова е едно од 10-те најголеми наоѓалишта на земјиште откриени оваа година. Вредноста на резервите достигнува околу 12 милијарди долари, истакна Ердоган.

Тој претходно изјави дека Турција има намера да произведува околу 100.000 барели нафта дневно, без да прецизира од кои наоѓалишта.

Доколку преземете содржина од оваа страница, во целост сте се согласиле со нејзините Услови за користење.