Турција почна да ги лекува заболените од Ковид-19 со крвна плазма

150
ISTANBUL, TURKEY - APRIL 04: Officials check the ventilators allocated for early treatment of coronavirus (COVID-19) at Basaksehir Hospital in Istanbul, Turkey on April 4, 2020. 155 units of Ventilators arrive in Turkey despite the restrictions on international roaming. (Photo by Elif Ãztürk/Anadolu Agency via Getty Images)

Универзитетот во Источна Турција започна со користење на крвна плазма за пасивно да ги имунизира пациентите заразени со новиот коронавирус, јави агенцијата Анадолија.

Третманот се изведува со земање плазма од пациент кој се опоравува од Ковид-19, и кој веќе е негативен за коронавирус, објасни ректорот на универзитетот Иниону Ахмет Кизлај, во округот Малатија.

– По првпат во Турција, Медицинскиот центар „Тургут Озал“ при Универзитетот зеде плазма од излечен пациент со Ковид-19, користејќи метод наречен плазмафереза ​​и го примени на друг пациент, кој е во многу сериозна состојба во одделот за интензивна нега, рече тој.

Целта, објасни Кизлај, пациентот во одделот за интензивна нега да прима антитела од опоравениот пациент. Овој метод претходно се користеше за лекување на САРС (тежок акутен респираторен синдром, исто така предизвикан од коронавирус) и ебола.

Лекарот ги повика пациентите третирани со коронавирус да го поддржат овој метод и да донираат плазма, објаснувајќи дека не претставува ризик за веќе излекуваните.

Доколку преземете содржина од оваа страница, во целост сте се согласиле со нејзините Услови за користење.