Уапсен близок советник на Оливер Спасовски

3490

Драган Симоновски, советник на Министерот за внатрешни работи, Оливер Спасовски, попладнево околу 16 часот  бил приведен во полиција за под сомнение за поткуп, неофицијално дознава Нетпрес.

Симоновски, кој воедно е претседател на дисциплински комисии во министерството, а членувал и во повеќе комисии и важи за човек од доверба на Спасовски, се сомничи за злоупотреба на службена положба и овластување.

Се шпекулира дека акцијата за апсење ја спровел извесен Лазо Велковски, кој во септември 2016 година беше назначен за началник на СВР Скопје, а е познат во јавноста и како човекот кој пријави обид за атентат со пластично шише, а и како телохранител на Радмила Шекеринска.

Во истиот тој период, Драган Симоновски беше именуван за началник на Секторот за прикриени операции во Одделот за сузбивање на организиран и сериозен криминал во Централните полициски служби во Бирото за јавна безбедност.

Симоновски имаше функции во МВР и во техничката влада.

Од МВР информираа дека по налог на ОЈО, денеска од слобода е лишен Д.С., вработен во кабинетот на министерот за внатрешни работи, под сомнение за сторено кривично дело по член 353 од КЗ “Злоупотреба на службена положба и овластување” .

Доколку преземете содржина од оваа страница, во целост сте се согласиле со нејзините Услови за користење.