Уапсен маж кој со автомобил двапати се залетал во украинската амбасада во Лондон

323

Полицијата во саботата уапсила маж кој најмалку двапати се залетал во празниот автомобил на амбасадорот на Украина во Лондон, запирајќи се дури откако полициските службеници отвориле оган, објавија полицијата и украинското министерство за надворешни работи.

Инцидентот се одиграл во саботата околу 8,30 часот по локално време во Холанд Парк пред зградата на украинската амбасада, кога 40-годишник удрил неколку автомобили на амбасадата на Украина, меѓу нив и возилото на амбасадорот, но нападот не е поврзан со тероризам, се наведува во соопштението на полицијата на британската метропола.

Полицијата додава дека мажот бил уапсен откако полицајците отвориле оган во близина на амбасадата. Никој не е повреден во инцидентот, ниту напаѓачот кој е одведен во болница „од претпазливост“. Се додава дека при пријавата на инцидентот кон амбасадата биле упатени и вооружени и невооружени полицајци, а кога пристигнале автомобилот бил насочен и кон нив,

Украинското министерство објави дека автомобилот на амбасадорот е оштетен со намера „додека стоел паркиран пред амбсадата“. Полицијата го утврдува „идентитетот на осомничениот и мотивите на нападот“, додава украинската дипломатија.

Доколку преземете содржина од оваа страница, во целост сте се согласиле со нејзините Услови за користење.