Бугаринот Северин Надеждов Красимиров е уапсен во Германија поради убиството на новинарката Викторија Маринова, потврди бугарскиот министер за внатрешни работи, Младен Маринов.
Красимиров, роден во 1997 година во Русе, живеел во градот, но во неделата избегал во Германија кај неговата мајка. Тој е уапсен откако ДНК-тестовите и другите докази покажале дека бил вмешан во силувањето и убиството на Маринова.
Постои физички доказ за поврзаноста со убиството, рече Маринов.
Красимиров имал криминално досие од 2007 година за кражба на обоени метали. Нема други докази за злосторства што евентуално ги извршил.
Дел од ДНК материјалите се подготвени и обезбедуваат информации за присуството на ДНК материјал на телото на жртвата. Институтот за судска наука работи и очекуваме повеќе докази, рече Маринов.
Од своја страна, главниот обвинител Сотир Цацаров објасни дека во оваа фаза не можат да тврдат дека убиството на Викторија Маринова е извршено поради професионалната нејзината активност, но сите верзии се проверуваат.
Две обвиненија за осомничениот убиец се покренати во отсуство. Првото е силување, за што казната е 10 до 20 години затвор. Второто- убиство на особено суров начин, казниво со 15 до 20 години затвор или доживотен затвор.
Телевизијата ТВН објави дека Красимиров наводно не ја познавал убиената новинарка.
Претходно беше уапсен романски државјанин осомничен за убиството, но беше ослободен.
