Ученици блокираа 55 гимназии во знак на протест против Преспанскиот договор

Ученици ја блокирале работата во 55 гимназии во повеќе населени места во северниот дел на Грција, во знак на протест против Преспанскиот договор меѓу Атина и Скопје, а кој Грција треба да го ратификува денеска, објавуваaт грчките медиуми, пренесува НетПрес.

Според објавеното, училишниот инспекторат информирал дека најмногу училишта се блокирани во градот Пела (престолнината на античка Македонија) – 22 од вкупно 49 во ова населено место. 11 гимназии биле блокирани во западниот дел на Солун и една во источниот дел на овој град. Три средни училишта се блокирани во Халкидики, четири во Кукуш и пет во Пиерија.

Директорот на гимназиското образование во Пела, Томас Бахаракис, ја потврдил информацијата за блокадата на школите. Тој за државната грчка новинска агенција АНА-МПА, изјавил дека нема докази дека средношколските блокади на училиштата се организирани од надворешни фактори.

Доколку преземете содржина од оваа страница, во целост сте се согласиле со нејзините Услови за користење.