УЕФА ќе ја тестира новата технологија за офсајд на Суперкупот

Европската куќа на фудбалот (УЕФА) објави дека на натпреварот од европскиот Суперкуп меѓу Реал Мадрид и Ајнтрахт Франкфурт ќе биде претставена новата полуавтоматска технологија за одредување офсајд.

Со користење на камери поставени низ теренот, кои може да следат до 29 различни точки на телото на фудбалерот и чипот во топката, технологијата ќе помага во носење на одлуки.

„УЕФА постојано бара нови технолошки решенија со кои ќе се унапреди фудбалот и ќе им се помогне на судиите“, соопштија од УЕФА.

Новата технологија треба да го скрати просечното време потребно за носење одлука за офсајд од 70 на 25 секунди.

Доколку преземете содржина од оваа страница, во целост сте се согласиле со нејзините Услови за користење.