Крадци од куќа во Гостивар вчеравечер одзеле над 20 илјади евра додека сопствениците биле излезени од домот.
Според СВР Тетово, тешката кражба се случила вчеравечер на 19 мај во периодот од 18 до 1 часот и 45 минути по полноќ на улица „Балиндолска” во Гостивар.
Во овој период, засега непознати сторители провалиле во куќата на гостиварецот С.Б. (51). Во внатрешноста влегле откако го скршиле прозорецот во приземјето и од две места во кујната и спалната одзеле вкупно парични средства во износ од милион и 200 илјади денари.
По пријавувањето полицијата извршила увид и работи на расветлување на случајот и на откривање на сторителите.