Украина го складира и крие оружјето добиено од своите западни куратори во нуклеарните централи ширум земјата, обвини во понеделникот директорот на руската Служба за внатрешно разузнавање (СВР), Сергеј Наришкин, кој според американските медиуми наскоро треба повторно да се сретне со челникот на американската Централна разузнавачка агенција (CIA), Вилијам Барнс.
„Постојат веродостојни извештаи дека украинските вооружени сили го складираат оружјето и муницијата испорачано од Западот на териториите на нуклеарните централи. Тоа се однесува на најскапите и најмалубројни ракети за украинската војска за повеќецевните ракетни лансери со долг дострел HIMARS, како и артилериска муниција со голем калибар“, го цитира Наришкин во соопштение службата за односи со јавноста на СВР.
Според руските разузнавачки податоци, само во текот на последната седмица во декември неколку товарни вагони со „смртоносен товар“ биле испорачани од странство преку железничката станица Рафаловка до нуклеарната централа Ривно, во северозападна Украина.
Како што тврди Наришкин во изјавата, Киев очекува дека руските сили нема да изведат напади врз нуклеарните централи, стравувајќи од нуклеарна катастрофа.
Покрај тоа, доколку се случи голема детонација и уништување на нуклеарна централа како резултат на уште една „заталкана“ украинска ракета на противвоздушната одбрана, вината за трагедијата секогаш со помош на конструкциите во медиумите како и досега да ѝ се припише на Москва, предупредува Наришкин.
„Би сакал да се надевам дека никој во Киев не би помислил намерно да крева во воздух такви складишта надевајќи се дека ќе издејствува од САД и нивните сојузници уште повеќе оружје и муниција“, додава во изјавата првиот руски разузнавач.
Ваквата стратегија, истакнува натаму Наришкин, често ја користат меѓународните терористички групации.
„Притоа, заложници на режимот во Киев сега не се само поедините цивили, туку и десетици, па дури и стотици илјади жители на сопствената и на соседните држави“, посочува Наришкин.
Многуте украински нуклеарни централи се во центарот на вниманието од почетокот на судирот. Руските сили без борби веќе вториот ден од инвазијата ја заземаа неактивната централа Чернобил која е конзервирана по катастрофата во 1980-те години, како и нуклеарката во Запорожје, најголемата во Европа.
Во моментов под контрола на властите во Киев се три нуклеарни централи: Ровенската, Хмелницката и Јужно-Украинската.
Москва ја обвинува украинската војска дека редовно го ракетира градот Енергодар и територијата на нуклеарната централа Запорожје во непосредна близина на градот. Рускиот министер за одбрана Сергеј Шојгу уште минатото лето предупреди дека со нападите Киев се обидува да создаде привид на закана од нуклеарна катастрофа за која е одговорна руската страна.
Меѓународната агенција за атомска енергија (МААЕ – IAEA), постојано ја истакнува неопходноста од создавање безбедносна зона околу Запорошката нуклеарка, но не го споменува украинското барање од таму целосно да се повлечат руските сили, што Москва одлучно го одбива.
