Западните земји мора да бидат подготвени да ѝ пружаат помош на Украина долгорочно, бидејќи Русија не покажува знаци на попуштање, изјави во неделата за британскиот јавен радиодифузер BBC, генералниот секретар на НАТО, Јенс Столтенберг.
Столтенберг рече дека воената помош „ќе го осигура опстанокот на Украина како суверена држава и ќе ја присили Русија да седне на преговарачката маса“ и да преговара за завршување на војната.
Оцени дека делумната мобилизација на резервниот состав руската армија, всушност само малку повеќе од 1 отсто, покажува дека Москва „во овој момент не сака да ја запре војната“/
„Украинските сили имаа залет неколку месеци, но знаеме и дека Русија мобилизирала многу повеќе војници од кои многу сега се на обука“, рече Столтенберг без да даде докази или конкретни податоци кон своите тврдења.
„Сево ова укажува на тоа дека се подготвени да ја продолжат војната и, исто така, можеби да се обидат да започнат нова офанзива“, изјави челникот на НАТО кому поради руската инвазија во Украина му беше продолжен мандатот.
„Мораме да ѝ пружиме помош на Украина, вклучително и воена, бидејќи тоа е единствениот начин да ја убедиме Русија дека мора да седне и да преговара во добра вера и да ја почитува Украина како суверена независна нација во Европа“, продолжи Столтенберг.
Додаде дека „она што Украина може да го постигне на масата (преговарачка) во потполност зависи од силата на боиштето“.
