Украински клуб рекордер со 27 заразени со коронавирусот

Дури 27 играчи и членови на клупскиот персонал на украинскиот фудбалски прволигаш Карпати од Лвов се заразени со коронавирусот, со што овој клуб стана своевиден рекордерд, а поради што целиот тим и персоналот ќе мора да одат во 14-дневен карантин.

Сите натпревари на клубот во следните две седмици се одложени, како што се случи и со неделниот дуел против Мариопол, кога беа потврдени случаите на зараза кај двајца играчи и еден технички службеник. Во моментов коронавирусот е потврден кај 11 играчи од првата екипа и 16 члена на персоналот, пренесува порталот Sport.ua.

Доколку карантинот даде резултати, Карпати следниот меч од првенстовото ќе го одиграат на 20-ти јуни. Со само 14 бодови од 23 натпревари Карпати се на последното место на табелата во украинското првенство.

Во Карпати беа транспарентни и уште минатата седмица објавија за првите позитивни на коронавирусот во клубот, истакнувајќи дека ниеден од нив немал никакви симптоми. Клубот соопшто дека ги подвргнал на тестирање играчите и персоналот според сопствена желба, а ги предупредија и другите клубови да бидат подеднакво одговорни.

Во епидемијата на коронавирусот Украина досега регистрираше 24.320 заразени, од кои 727 лица починале.

Доколку преземете содржина од оваа страница, во целост сте се согласиле со нејзините Услови за користење.