Украинската војска можеби ќе мора да се повлече од Лисичанск, градот на првата линија на фронтот на границата на одметната проруска област за да го избегне опколувањето, откако проруските сепаратисти помогнати од руската војска успеале да заземат две насилства јужно од градот, изјави во четвртокот украинскиот гувернер на регионот Серхиј Хајдај.
Лисичанск и блискиот Северодоњецк се во фокусот на руската офанзива во источниот регион Донбас и битката таму се приближува до „жесток климакс“, изјави во средата советникот на украинскиот претседател, додека истовремено руското министерство за одбрана објави за големи загуби на украинските сили и нивно целосно опкружување во областа.
Генералштабот на украинските вооружени сили во четвртокот го потврди губењето на Раи-Александровка и Лоскутивка, кои се на пет километри од Лисичанск.
Засега од Киев нема сигнали како ќе се одговори воено на оваа ситуација, но гувернерот Хајдај рече дека украинската војска можеби ќе мора да се повлече.
„За да го избегнат опколувањето, нашата команда би можела да нареди војската да се повлече на нови позиции. Целиот Лисичанск е во дострелот на нивниот оган. Многу е опасно во градот“, рече Хајдај за националната телевизија.
Рече дека до Лисичанск и натаму може да се дојде по магистралниот пат, и оти може да продолжи евакуацијата на цивилите. Руската војска соопшти дека го контролира овој патен правец, но оти по него може да се евакуираат цивилите. Истовремено, агенцијата ТАСС ги цитираше проруските сепаратистите дека градот е опколен и оти на украинските сили не може да им се дотура помош.
