Војската во Севастопол одбива напади, а уште едно беспилотно летало беше соборено над Црното Море, напиша гувернерот на градот Михаил Развозаев во понеделникот на Телеграм.
Претходно во понеделникот гувернерот изјави дека е соборен дрон над морето кај Севастопол и дека во регионот е активирана противвоздушна одбрана.
„Уште едно беспилотно летало беше соборено од воздушната одбрана над морето. Нашата војска продолжи да одбива напади“, објави тој, повикувајќи ги локалните жители да останат смирени.
Севастопол, каде што е седиштето на руската Црноморска флота, беше предмет на неколку напади со беспилотни летала во изминатите неколку месеци. Гувернерот на Севастопол последен пат изјави дека противвоздушната одбрана била активирана над градот на 30 декември. Претходно, беа пријавени два дрона соборени над морето во близина на градот. Пред тоа, три беспилотни летала кои се обидуваа да го нападнат Севастопол од морскиот брег беа соборени од воздушната одбрана на градот.
