Уште едно блескаво издание на Дончиќ – нов „трипл-дабл“, нов рекорд на лигата!

25

Далас славеше по продолжението со 114-110 против Сакраменто во синоќешниот натпревар од НБА лигата, благодарение на феноменалниот Лука Дончиќ кој постојано го извлекуваше својот тим.

Младиот Словенец повторно покажа дека е роден победник завршувајќи го мечот со дури 34 поени, 20 скока и 12 асистенции. Најголема помош имаше од Порзингис кој постигна 22 поени, дополнети и со седум скока, додека Хардавеј заврши исто така со 22 поени.

Портланд славеше против Хјустон со 110-102, во меч во кој повторно одлична партија демонстрираше Јусуф Нуркиќ, со 18 поени и 19 скока.

Лилард со 21 поен беше најефикасен во тимот на Портланд, а МекКалум постигна 20 поени. Додека на спротивната страна Џејмс Харден беше најефикасен со 23 поени.

 

Доколку преземете содржина од оваа страница, во целост сте се согласиле со нејзините Услови за користење.