Усвоена потребата за предлог-законот за ЈО – ВМРО-ДПМНЕ бара оставка од Дескоска, а ДУИ – ветинг

130

Се усвои потребата за предлог-законот за ЈО со 57 гласа „За“, ниту еден против, а пратениците на ВМРО-ДПМНЕ не гласаа воопшто иако беа присутни.

Предлагачот, Рената Дескоска, рече дека овој Закон ќе го гони криминалот и високата корупција и дека со овој предлог-законот ќе имаме ефикасна правда, без разлика на политичката гарнитура. Но, зборовите на министерката Дескоска не и се допаднаа на опозицијата која бурно реагираше.

По ова пратеникот на ВМРО-ДПМНЕ, Антонио Милошовски, побара оставка од Министерката за правда, бидејќи токму во текот на нејзиниот мандат имаме мега скандал „Рекет’’.

Дескоска, рече дека постои впечаток дека за пратениците на ВМРО-ДПМНЕ поважно е да се спасат неколку функционери. Таа рече дека има други опции доколку не се постигне двотретинско мнозинство.

Пратеникот на Движење Беса, истакнаа дека овој предлог-закон не е прифатлив бидејќи нема гаранција од власта дека отворените предметите на СЈО ќе бидат процесирани.

Артан Груби од ДУИ, побара ветинг за сите политичари, судии и обвинители по скандалот „Рекет“.

Во четврток, предлог-законот за ЈО ќе биде во Комисијата за европски прашања, каде се очекува да се дискутира за предложените амандмани од политичките партии.

 

Доколку преземете содржина од оваа страница, во целост сте се согласиле со нејзините Услови за користење.