Град Скопје и Музејот на Град Скопје и годинава ќе го одбележат 26 јули – денот кога пред 54 години во катастрофалниот земјотрес што во својата уривачка моќ во 1963 година однесе многу човечки животи, го претвори Скопје во урнатина, а градот ги доживеа најтешките моменти во својата историја и постоење.
Под мотото „Скопје го слави животот“ на 26 јули ќе се потсетиме на сѐ она што значи овој датум, на подадената рака од целиот свет како и на оние кои трагично го загубија својот живот.
Мултимедијалниот културен настан што под мотото „МКЦ за Скопје“ го организира Младинскиот културен центар, кој традиционално се одржува за 26 јули, со цел да се потсетиме на солидарноста и хуманоста на скопјани, годинава се одржува два дена, односно почнува денеска 25 јули, а завршува утре 26 јули.
