Македонија

Увидот во Избирачкиот список до 23-ти август, досега над 1,8 милиони гласачи

Увидот во Избирачкиот список до 23-ти август, досега над 1,8 милиони гласачи

Во Избирачкиот список во моментов има запишано точно 1.805.707 гласачи, но оваа бројка се очекува да се зголеми откако ќе заврши увидот во него, соопштија во четвртокот од Државната изборна комисија (ДИК) на првата прес-конференција во врска со референдумот закажан за 30-ти септември.

Увидот во Избирачкиот список започна денеска и може да се направи во подрачните одделенија на ДИК или електронски. Ќе трае до 23-ти август, а ДИК ќе го заклучи списокот на 7-ми септември. Граѓаните кои ќе одат во одделенија потребно е со себе да носат и важечка лична карта или пасош.

„Увидот ќе може да се врши од 9 до 19 часот, а последниот ден на 23-ти август увид ќе може да се прави до 24 часот. Електронската апликација за проверка е достапна нон-стоп. Измени на податоците, запишување или бришење во списокот граѓаните може да го прават со соодветно барање“, рече портпаролката Љупка Гугучевска.

На прашањето како ДИК ќе се справи со тоа што на иста адреса се водат повеќе гласачи, таа вели дека промени во списокот можат да направат само врз основа на валидни документи.

„Тие луѓе се наоѓаат на тие адреси на избичкиот список затоа што МВР им издало лично карти на таа адреса. Ако при јавниот увид тие лица утврдат дека имаат нова лична карта со друга адреса треба да извршат промени“, одговори Гугучевска.

За оние кои се починати, со документ семејството може да побара бришење од списокот. Од ДИК потенцираат дека Избирачкиот список тие го прават врз основа на податоците од институциите односно од МВР, Управата за матични работи и основните судови во Македонија.

Промена во Избирачкиот список граѓаните може да напраат само со барања што ќе бидат поткрепени со соодветна документација. На забелешките дека во Избирачкиот список
се уште се наоѓаат имиња на повеќе луѓе на иста адреса, рече дека ДИК Избирачкиот список го гради со податоци од МВР, Управата за матични работи и основните судови во Македонија.

Условите за запишување во Избирачкиот список се лицата да бидат државјани на РМ, и да бидат полнолетни. Само со поднесување на одредена документација ДИК може да направи промена во Избирачкиот список и дека граѓаните при менувањето на живеалиштето треба да направат промена на адресите во личните карти.

Истовремено со јавниот увид денеска започна и пријавувањето за изјаснување на иселениците во дипломатско конзуларните претставништва и конзуларните канцеларии на Република Македонија во странство, што, исто така, ќе трае до 23-ти август. Државјаните на Република Македонија кои се на привремена работа или престој во странство за гласање во странство може да се пријават директно во ДКП-ата и конзуларните канцеларии или електронски преку веб апликацијата dijaspora.sec.mk објавена на интернет страницата на ДИК.

ДИК ќе отвори избирачки места во сите ДКП каде за гласање ќе се пријават над 10 отсто избирачи, додека во оние каде што ќе има над илјада пријави ќе бидат отворени и
дополнителни избирачки места. Во оние македонски амбасади и конзуларни канцеларии, каде што нема доволно кадар кој ќе го организира изјаснувањето на иселениците, како што појасни Гугчевска, ќе бидат испратени избирачки одбори од Македонија.

Гласањето во странство ќе се одржи на 29-ти септември еден ден пред денот определен за референдумот, од 7 до 19 часот, според временската зона во дипломатско конзуларното претставништво. Иселениците барањата за запишување, дополнување или бришење на податоците од посебните изводи од Избирачкиот список за време на јавниот увид го поднесуваат по електронски пат до ДИК најдоцна до 23-ти август на полноќ.

Топ вести

собранието денеска одлучува за Собранието на Република Македонија денеска ќе ја одржи 61. седница на која на дневен ред e Предлогот за пристапување кон измена на Уставот на Република Македонија со насоки за негово изменување и дополнување поднесен од Владата. На матичната собраниска Комисија за уставни прашања во петокот по дводневна расправа, беа донесени заклучоци за пристапување кон уставни измени и Владата во рок од 15 дена да изготви нацрт-аманадмани и да ги достави до Парламентот. Поддршка за пристапување кон измените на Уставот дадоа пратеници на владејачкото мнозинство, додека пратениците од ВМРО-ДПМНЕ гласаа против. За да биде усвоена потребата од пристапување кон уставни измени треба да биде изгласана од две третини од вкупниот број пратеници во Парламентот. Во предлогот за измени на Уставот, кој Владата го утврди и соопшти во понеделникот, се предлага: Во целиот текст на Уставот пред Република Македонија се додава придавката северна; Измени во Преамбулата на Уставот со именување конкретни документи на АСНОМ заради усогласување со Договорот со Грција; Поцврста гаранција за трајноста на границите и дека Република Македонија нема територијални претензии и грижа за Македонците и дијаспората во странство што ќе значи дека Републиката ќе се грижи за културните, економските и социјалните права на нејзините припадници во странство без да се меша во суверените права на други држави и во нивните внатрешни работи. Од тоа дали ќе бидат обезбедени две третини за поддршка за измени на Уставот, ќе зависи и дали претстојат нови предвремени парламентарни избори, кои би се организирале со скратени рокови. Од ВМРО-ДПМНЕ порачаа дека уставните измени се апсолвирани и оти нивните пратеници нема да ги гласаат. Најавија дека се подготвуваат за избори. На состанокот на ИК на партијата викендов се разговарало за вонредните парламентарни избори и за термините за нивното одржување: 25 ноември, 2 декември, 9 декември или на пролет со акцент на подготовка на партиската инфраструктура, која е почната и подготовка на програмата со која ВМРО-ДПМНЕ ќе настапи на вонредните парламентарни избори. Премиерот Зоран Заев пак, остава простор и очекува денеска секој пратеник во Парламентот да се соочи со одговорноста и да се изјасни по своја сопствена волја, следејќи го правецот за развој на државата што, според него, го избраа огромното мнозинство од граѓаните кои излегоа и гласаа на референдумот. Имплемнтација на Договорот со Грција и усвојување на уставните амандмани очекува и меѓународниот фактор. Потпретседателот на Соединетите Американски Држави, Мајкл Пенс викендов испрати писмо до претседателот на Владата Зоран Заев во кое му изразува уверување за неговата континуирана поддршка во овој важен момент за земјата и за спроведувањето на историскиот договор од Преспа со Република Грција. Во своето писмо Пенс нагласува дека 90 отсто од оние што гласаа на референдумот го одобрија договорот од Преспа и со тоа ја потврдија огромната посветеност за европската иднина на Република Македонија. – Соединетите Американски Држави ја споделуваат вашата посветеност за поголема сигурност и стабилност на регионот. Бидете уверени во мојата континуирана поддршка во овој важен момент за вашата земја, пишува потпретседателот на САД во своето писмо до премиерот Заев со кого минатиот месец имаа средба во Вашингтон. Високата претставничка за безбедносна и надворешна политика на ЕУ Федерика Могерини вчера во интервју за МИА порача дека Преспанскиот договор е уникатна прилика за помирување и затворање на дводеценискиот спор помеѓу Скопје и Атина и дека оваа прилика може да не се повтори веќе. – Ги разбирам чувствителностите и комплексната историска позадина на спорот, како и изразените загрижености. Спорот не постоеше толку долго без причина, меѓутоа, како што видовме во минатото, колку повеќе времето минува, толку е потешко да се изнајдат решенија. Преговарачкиот процес мора да бил болен и резултатот е компромис. Но, е компромис со кој успешно се исполнуваат клучните интереси на двете страни. Нашата позиција е јасна: ЕУ целосно го поддржува постигнатиот договор. Ова е уникатна можност за помирување на Западниот Балкан која можеби нема да се повтори. Се надевам дека сите страни ќе ги зграпчат моментот и дека ќе обезбедат иднина во ЕУ за земјата, иднина која цела нација се надева со години да стане реалност. МИА СОБРАНИЕПРАТЕНИЦИУСТАВНИ ИЗМЕНИ Спонзорирано видео

Уставните промени според договорот со Грција пред пратениците