Вајлдер го допрел дното и размислувал за самоубиство

44

Шампионот во бокс во тешка категорија во ВБЦ верзијата, Дионтеј Вајлдер ја раскажа својата лична трагедија. Боксерот призна дека имал период кога бил „на дното“, па дури и размислувал за самоубиство.

Причината за ова е што неговата ќерка била дијагностицирана со „спина бифида“.Тоа е состојба во која ’рбетот на бебето и ’рбетниот мозок не се развиваат правилно додека фетусот е во утробата, па тоа доведува до компликации, како трауматично породување, полнење на мозокот со течност, парализа на нозете, ризик од менингитис и многу други.

– Имав тежок период од 19-20 години. Мојата ќерка е родена и имаше „спина бифида“. Во тој момент, јас бев младо момче што се обидував да се пронајдам во тој свет. Имав големи цели и соништа, но животот ве праќа на дното. Пиштолот беше до мене, и во еден момент размислував за самоубиство. Ако го сторев тоа, сите проблеми ќе исчезнеа. Кога сте во таа состојба, вие сте себични. Во тој момент размислувате само за себе и за својата болка, а не колку лошо можете да постапите со вашите најблиски. За среќа, го издржав овој период, призна Американецот во интервју за Јаху Спорт!.

Доколку преземете содржина од оваа страница, во целост сте се согласиле со нејзините Услови за користење.