На стартот на мечот двете екипи не беа ефикасни во нападот затоа што по седум минути игра беа постигнати само четири гола (3-1), но потоа Вардар влезе во одличен ритам и набрзо стигна до 8-3.
Пелистер не се предаваше и се обидуваше да ја намали негативата, но „црвено-црните“ имаа одговор на сите напади на битолскиот тим, па така на полувреме заминаа со предност од 16-12.
Вардар имаше лош почеток на вториот дел, а тоа го искористи Пелистер кој намали на два гола негатива (17-19) до 41. минута од натпреварот. Сепак, наскоро скопскиот гигант се стабилизира и повторно се врати на плус четири (23-19).
Избраниците на Владо Недановски повторно имаа проблеми во нападот во завршницата од мечот, а тоа му овозможи на Пелистер да намали на два гола негатива (22-24) , а потоа на само една минута пред крајот битолчани намалија на 25-26 за драматичен финиш, но Вардар ја задржа предноста и го освои пехарот во Купот.
Најдобри во редовите на Вардар беа Куни Моралес и Леонардо Дутра со по седум голови, додека кај Пелистер по пет погодоци постигнаа Усама Хосни и Мохамед Суси.
