Верижен судар на пет возила кај граничниот премин Богородица

82

Пет возила се искршиле во верижен судир кој се случил попладнево на автопатот Скопје – Гевгелија, на околу еден километар од граничниот премин „Богородица“.

Нема официјална информација за повредени патници, иако туристи од местото на несреќата за Канал 5 велат дека има повредени.

Сообраќајна несреќа во која учествувале повеќе возила се случи на еден километар пред граничниот премин Богородица на македонско-грчката граница, потврдија во меѓувреме од СВР Струмица.

Според првичните информации има еден повреден, а на местото на несреќата полицијата врши увид.

Сообраќајот е пренасочен и се одвива по стариот пат од Гевгелија кон граничниот премин Богородица.

Повеќе информации за несреќата од СВР Струмица најавуваат за подоцна.

Доколку преземете содржина од оваа страница, во целост сте се согласиле со нејзините Услови за користење.