Холанѓанецот Макс Верстапен од тимот на Ред Бул оствари најбрзо време и на вториот слободен тренинг во пресрет на неделната трка за Големата награда на Турција којашто ќе се вози крај Истанбул.
Верстапен оствари време од 1:28.330, што е подобро време од резултатот кој го оствари на првиот слободен тренинг (1:35,077), која исто така беше најбрз.
Зад него се пласираше Шерл Леклер од Монако од тимот на Ферари со заостанување од +0.401, додека трет беше Финецот Валтери Ботас од тимот на Мерцедес со заостанување на +0.575. Актуелниот светски првак Британецот Луис Хамилтон од тимот на Мерцедес беше четвртопласиран со заостанувањето од +0.850. На првиот тренинг Ботас беше деветти, а Хамилтон дури 15-ти.
Трката на распоредот е во недела, а Хамилтон ќе се обезбеди да ја обезбеди седмата шампионска титула во Светските првенства во класата Формула 1, со што би се израмнил со легендарниот Германец Михаил Шумахер.
Британецот за титулата се бори со клупскиот колега Ботас, а за да остане во трката за титулата Финецот мора да освои најмалку осум бодови повеќе од Хамилтон.
Хамилтон по тренингот остро ги критизираше организаторите, велејќи дека е „ужаснот“ да се вози по неодамнешните работи на самата патека на којашто е променета подлогата.
„Денеска беше катастрофа, патеката е фантастична и навистина не ми е јасно поради што потрошиле милиони за новата подлога. Сега оваа патека полоша од онаа во Портимау кога таму ставаа потполно нова подлога“, рече Хамилтон додавајќи „Застрашувачки е по целата патека“.
