Тринаесетгодишниот К.К, кое пред три дена во основното училиште „Владислав Рибникар“ во Белград уби осум деца и училишниот чувар Драган Влаховиќ, а рани седуммина лица, прецизно го испланирал масовното убиство, а истражувал и како да избегне затвор, покажало вештачењето на неговиот телефон, објави Блиц.
Тој еден месец го планирал масовното убиство, а она што е утврдено преку неговиот телефон е дека непосредно пред злосторството на интернет го пребарувал Кривичниот закон на Србија за да истражи дали деца можат кривично да одговараат.
„Врз основа на истрагата се заклучува дека нападот на училиштето го организирал сега бидејќи знаел дека до 14-от роденден му остануваат нешто повеќе од два месеци и дека му останувало уште толку време да биде кривично неодговорен ако го изврши злосторството“, кажал за Блиц извор запознаен со случајот.
Детето убиец ноќта пред масакрот гледал американски филм за масакр во училиште во САД.
