Вестбрук со десетти последователен трипл-дабл учинок

19

Играчот на Оклахома Сити Тандерси, Расел Вестбрук запиша историско достигнување, откако го реализираше 10-тиот последователен трипл-дабл во НБА.

Во натпреварот против Портланд, Вестбрук запиша 21 поен, 14 скокови и 11 асистенции. Тандерси го освоија натпреварот со 120:111.

30-годишниот Вестбрук стана првиот играч во историјата на НБА со десет последователни трипл-дабл, претекнувајќи ја легендата Чемберлен, кој постигна девет во 1968-та година.

Њујорк Никс забележаа анти-рекорд по поразот на 17-тиот последователен натпревар. Никс на гости загубија од Кливленд Кавалирс со 104:107.

Њујорк е последен во Источната конференција со само 10 победи во 56 натпревари. Тимот последен влезе во плејофот во сезоната 2012/13.

Џејмс Харден го забележа 30-тиот натпревар по ред со повеќе од 30 поени. Харден и неговиот Хјустон го совладаа Далас со 120:104.

29-годишниот кошаркар заврши со 31 поен, 10 скокови и 8 асистенции.

Од останатите натпревари:

Детроит Пистонс – Вашингтон Визардс 121:112

Индијана Пејсерс – Шарлот Хорнетс 99:90

Торонто Рапторс – Бруклин Нетс 127:125

Чикаго Булс – Милвоки Бакс 99:112

Хјустон Рокетс – Далас Маверикс 120:104

Минесота Тимберволфс – Лос Анџелес Клиперс 130:120

Денвер Нагетс – Мајами Хит 103: 87.

Skin Delight

Доколку преземете содржина од оваа страница, во целост сте се согласиле со нејзините Услови за користење.