Капакот на моторот на аввионот „Boeing 737-800“ во сопственост на воздухопловната компанија „Southwest Airlines“ падна за време на полетувањето во Денвер во неделата и удри во закрилото, што ја натера американската Федерална управа за авијација (FAA) да отвори истрага.
Никој не беше повреден, а летот 3695 безбедно се врати на аеродромот во Денвер околу 8:15 часот по локално време (16:15 часот) во неделата и авионот беше одвлечен.
Авионот со 135 патници и шест членови на екипажот се искачи на височина од околу 3.140 метри и се врати 25 минути по полетувањето во Хјустон.
Патниците пристигнаа во Хјустон со друг лет на „Southwest Airlines“ со околу четири часа задоцнување. Компанијата соопшти дека тимовите за одржување го проверуваат леталото.
Авионот е во употреба во јуни 2015 година, според записите на FAA. Од „Boeing“ ги пренасочи сите прашања до „Southwest Airlines“.
Авионот припаѓа на постарата генерација на најпродаваниот тип „737“, познат и како „737 NG“, кој подоцна беше заменет со моделот „737 MAX“. Од „Southwest Airlines“ одбија да кажат кога моторот на авионот последен пат бил сервисиран.
Американската телевизиска мрежа ABC News објави видео преземено од платформата на социјалните мрежи Х на кое се гледа како да се откине клапа со лого на авиокомпанија што вее на ветрот.
Производителот „Boeing“ беше цел на интензивни критики откако вратата на новиот авион „737 MAX 9“ на компанијата „Alaska Airlines“ излета на речиси 5.000 метри надморска височина на 5 јануари. FAA последователно ја приземји флотата „MAX 9“ неколку седмици, му забрани на „Boeing“ да го зголеми производството авионите „MAX“ и му нареди да развие сеопфатен план за решавање на „проблеми со системската контрола на квалитетот“ во рок од 90 дена.
Инспекторите на FАА истражуваат и неколку други неодамнешни инциденти во кои се вклучени моторите на авионите „Boeing“ во сопственост на „Southwest Airlines“. Авионот „737-800“ на „Southwest Airlines“ го прекинал полетувањето во четвртокот и бил влечен назад до аеродромот во Лубок, во Тексас, откако екипажот пријавил проблеми со моторот.
FАА, исто така, го истражува летот „Southwest Airlines“ со моделот „737“ кој се врати во Остин, во Тексас, на 25 март откако екипажот пријавил можен дефект на моторот. Авионот „737-800“ на „Southwest Airlines“ се вратил на аеродромот Форт Лодердејл на 22 март откако екипажот забележал проблеми со моторот, што FAА, исто така, го истражува.
