(ВИДЕО) „Бела чао“ одекнувала од џамии во Измир, хакиран системот за повик за молитва

155

Турските власти отвориле истрага откако во Измир е хакиран системот за повикување на молитва, па од минарињата на неколку џамии е поштена италијанската антифашистичка песна „Бела чао“.

Антифашистичката химна е емитувана вчера попладне наместо повикот за молитва, кој се емитува пет пати во денот, а снимката е објавена и на социјалните мрежи.

Локалниот огранок на турската власт задолжен за верски прашања на Твитер го потврдил инцидентот и најавил отворање на истрага и пријава во полиција.

– „Бела чао“ е емитувана откако непознати лица го саботирале и хакирале системот за повик на молитви – се прецизира во соопштението.

Обвинителството во Имир отворило истрага за инцидентот која ќе ги опфати корисниците на социјалните мрежи кои се осомничени за „негирање на верските вредности“, информира агенцијата Анадолија. Портаролот на владеачката партија Омер Челик на Твитер „остро го осудил“ инцидентот и навел дека сторителите ќе бидат откриени.

Инцидентот се случил во текот на Рамазан, мислиманскиот месец на пост, и во моментот кога џамиите се затворени поради пандемијата на коронаврусот.

Доколку преземете содржина од оваа страница, во целост сте се согласиле со нејзините Услови за користење.