22 C
Skopje
вторник, јули 14, 2020

(ВИДЕО) Борис Џонсон им служеше ручек на британските војници во Естонија

298

Британскиот премиер Борис Џонсон денеска им служеше празничен ручек на британските војници за време на посетата на мисијата на НАТО во Естонија.

За време  на посетата на воената база близу Талин, Џонсон им посака Среќен Божиќ додека ги делеше нивните оброци.

Околу 850 британски војници се стационирани во Естонија и се најголемиот британски контингент во Европа.

Велика Британија игра клучна улога во мисијата на НАТО во Балтичко Море.

„Она што го правите е исклучително важно затоа што сите во нашата земја можат да го слават Божиќ во мир и безбедност токму заради тоа што вие го правите тука. Она што го правите покажува дека НАТО делува и дека ние во нашата земја сме апсолутно посветени на алијансата “, рече Џонсон.

Даунинг стрит додаде дека Џонсон се сретнал и со естонскиот премиер Јури Ратас, кому му се заблагодари за „поддршката и гостопримството, покажана од Естонија при прифаќањето на британските вооружени сили“.

Велика Британија е една од неколкуте земји на НАТО кои го исполнуваат ветувањето дека ќе одвојат 2% од БДП за одбраната.

Доколку преземете содржина од оваа страница, во целост сте се согласиле со нејзините Услови за користење.