Засега нема информации за човечки жртви и материјална штета, а според неофицијални податоци експлодирал магацин за топовски гранати.
Во Чачак (Србија) ноќеска околу еден часот се случила експлозија во компанијата А.Д. „Слобода“ во делот каде се произведува муниција. Од силните детонации градот се „тресел’“ скоро два часа.
Експлодирала фабрика “Слобода” у Чачку… #cacak #gradcacak #fabrikasloboda pic.twitter.com/SIgKm6Gqch
— Војвоткиња од Љубића (@smokicarka) June 4, 2021
Засега нема информации за човечки жртви и материјална штета, а според неофицијални податоци експлодирал магацин за топовски гранати.
Според очевидци и локалното население кое живее недалеку од фабриката, пожарот започнал да се шири со молскавична брзина, па екипите на пожар и спасување не можеле веднаш да стигнат до местото на несреќата.
Градоначалникот на Чачак, Милан Тодоровиќ, за РТС изјави дека нема жртви и повредени. Тој вели дека околу 60 работници работеле во третата смена и дека сите биле веднаш евакуирани, а околу 2,30 часот биле евакуирани четворица работници кои од експлозиите се засолниле во подрум од фабриката.
