(ВИДЕО) Фламенго со пресврт до финалете на Светското клупско првенство

Фламенго ќе игра за втора титула на Светското клупско првенство откако вечерва во првото полуфинале ја доби пресмеетката со Ал Хилал. Шампионот на Азија подобро го започна мечот, креираше неколку добри шанси и заслужено поведе преку Ал Давсари во 18. минута.

На Бразилците им беше потребно време да влезат во ритам и до изедначување стигнаа во прав момент. Само што започна второто полувреме, Фламенго креираше одлична акција по која Де Араскаета рутински реализираше за 1-1.

Искуството и квалитетот дојдоа до израз во финишот, најпрво Бруно Хенрике погоди со глава за 2-1 во 78. минута, а потоа Ал Булаихи си постигна автогол за 3-1 и тука веќе беше јасно кој ќе слави.

Доколку преземете содржина од оваа страница, во целост сте се согласиле со нејзините Услови за користење.