Метеорите не се ретка појава во Норвешка, меѓутоа, големината и одразот на овој метеор кој се појави над Норвешка во неделата го запрепасти локалното население.
Експертите проценуваат дека дел од овој метеор слетал во голема шумска област наречена Финмарк, на околу 60 километри од главниот град на Норвешка, Осло.
Метеорот се појавил во неделата, околу еден часот по полноќ, по локално време, а ноќното небо го осветлил само пет секунди.
Сеизмолошкиот институт на Норвешка (НОРСАР) потврди дека метеоритот паднал на Земјата и истакна дека експертите се уште не се сигурни колкава е големината на метеорот што ја прелета Земјата.
– Може да тежи неколку стотици килограми, а очекуваме дека мал дел стигнал до Земјата – истакнаа експертите, додавајќи дека нивната претпоставка е дека метеорот влегол во земјината атмосфера со брзина од околу 15 km/s и потоа се поделил меѓу приближно 35 километри и 25 километри над земјата.
