Силен пожар избувна во вторникот утрото во магацин во градот Вијернан, во близина на Лион во југоисточна Франција, објави радио-станицата RTL.
Пожарот бил забележан околу 7 часот утрото по локално време, во зграда на компанија која се занимава со проекти од областа на роботиката и виртуелната реалност. Зградата, како што се наведува во веста, се наоаѓа во индустриската зона на градот.
Според објавата на градските власти на Twitter, „повеќе од 90 пожарникари се ангажирани во гаснењето на пожарот, вклучени се 35 единици опрема“. „На местото на настанот се наоѓаат и припадници на локалната полиција. Нема информации за жртви“, се наведува во објавата.
Меѓутоа, многу корисници на социјалните мрежи почнаа да објавуваат фотографии од голем црн облак кој се надвива над градот.
За десетина дена ова е втор голем пожар во објект на фирма во Франција. Ноќта на 26-ти септември избувна силен пожар во хемиската фабрика „Lubrizol“, во градот Руан. Според тогашните податоци, во инцидентот немало настрадани, но сѐ уште нема конечни податоци за нивото на загадувањето на животната средина.
🔴🇫🇷 URGENT – Énorme #incendie d’un entrepôt d’une usine de batteries en cours à #Villeurbanne quartier Bel-Air. Le site mesure 3000 mètres carrés. Déjà plus de 50 #pompiers sur place. Une énorme fumée noire est visible à des kilomètres. (LyonMag) pic.twitter.com/cBswhYfgp4
— ActuSphere (@actuspherelb) October 8, 2019
Important incendie en cours rue bel air VILLEURBANNE, nombreux moyens du @SDMIS69 sur place, envoyez le secteur #villeurbanne pic.twitter.com/48jFZdEuUt
— SDMIS 69 officiel (@SDMIS69) October 8, 2019
