(ВИДЕО) Хашим Тачи го обвини Албин Курти за трговија со дроги

34

Косовскиот претседател Хашим Тачи објави на својата фејсбук страница видео снимка, за која тврди дека ги докажува криминалните дејствија на, како што ја нарекува  „групата“ на премиерот во оставка Албин Курти и „политичкото семејство на министерката за правда“ Албулена Хаџиу во бизнисот со дрога.

Со тоа Тачи ги продолжи обвинувањата на сметка на Курти, Хаџиу, вицепремиерот Хаки Абази, како и вршителот на должноста министер за внатрешни работи Џељаљ Свечља, кои во интервју на косовска телевизија ги нарече „криминална група“.

Видеото, кое е со лого на порталот Insajderi.org“ и трае 25 секунди, прикажува скриени перостории во објект во Приштина, каде што се наоѓаат простории во кои, во посебни услови, се одгледува марихуана, а има и лабораторија за производство на дрога.

Според косовскиот претседател, „групата“, преку министерот Свечља, неодамна неуспешно се обидела да ги уништи доказите. Тој порача дека е време Курти и неговите соработници „да се соочат со правдата“.

„Овие снимки докажуваат една од инкриминациите на Групата Курти и политичкото семејство на министерката за правда. Тоа се снимки од една лабораторија за дрога во Приштина, кои со другиот член на оваа криминална група, Џељаљ Свечља, пред неколку дена се обидоа да ги уништат како инкриминирачки факти од депото за конфискувани и запленети работи. Време е да се соочат со правдата“, напиша Тачи.

Тој синоќа ги обвини Курти, Абази и Свечља дека три дена едноподруго незаконски престојувале во одајата за прислушување во Поштата и телекомот на Косово (PTK), за што од јавното обвинителство денеска изјавија дека ќе покренат постапка за утврдување на виситинитоста на наводите.

Курти ги нарече „лага“ тврдењата на Тачи за наводната посета на ПТК, додека Хаџиу најави кривична пријава за клевета во врска со наводите дека членови на нејзиното семејство се бавеле со недозволена трговија со дрога.

Доколку преземете содржина од оваа страница, во целост сте се согласиле со нејзините Услови за користење.