Шест лица, меѓу кои двајца пожарникари, се повредени откако во средата се запали врвот на градежен кран и се урна на 10-та авенија на Менхетен, соопштија властите. Пожарникарите и спасувачите пристигнале на местото на несреќата по дојава дека избувнал пожар во кабината на кранот, за потоа да сведочат на падот на огромниот кран.
https://twitter.com/fashiotainment/status/1684223535718207490?ref_src=twsrc%5Etfw%7Ctwcamp%5Etweetembed%7Ctwterm%5E1684223535718207490%7Ctwgr%5Ec3191b3f67c95bba3cd418c8bfee32ca4f37b2bd%7Ctwcon%5Es1_&ref_url=https%3A%2F%2Fmkd.mk%2F
Полицијата ги повика луѓето да ја напуштат областа. Околните улици се блокирани, а сообраќајот преку блискиот тунел Линколн кон Њу Џерси е отежнат.
Работник во кабината на кранот се обидел да го изгасне пожарот, но топлината го стопила кабелот што го држи кракот на кранот, поради што кранот паднал. Кранот се наоѓал на зграда од 45 ката во изградба и во тој момент превезувал 16 тони бетон.
