(ВИДЕО) Интер спаси бод против Парма

Иван Перишиќ постигна гол во судиското продолжение за неговиот Интер да остане непоразен на домашен терен на дуелот со Парма (2:2) од Серија А.

Гостите имаа сериозни проблеми со коронавирусот, откако неколку фудбалери отпаднаа од составот непосредно пред патувањето во Милано, но Парма успеа да дојде и до предност од 0:2.

Првото полувреме донесе првична доминација на Интер, но и добро парирање на гостите во завршниот дел, за во второто полувреме, Жервињо да постигне два гола, со кои ја доведе Парма до сериозна предност.

Интер мораше да игра поофанзивно, а реализацијата дојде од хрватските фудбалери во составот на Антонио Конте.

Намали Брозовиќ во 63. минута, додека израмнувањето дојде во 92. минута, кога Перишиќ погоди со глава на асистенција на Коларов и ги постигна конечните 2:2.

Со овој бод Интер има вкупно 11, три помалку од лидерот Милан кој има и натпревар помалку.

Доколку преземете содржина од оваа страница, во целост сте се согласиле со нејзините Услови за користење.